-
సెట్స్ లో చిరంజీవిని కలిసిన శ్రీలీల దుర్గా దేవి ప్రతిమను బహూకరించిన మెగాస్టార్
మెగాస్టార్ చిరంజీవి, యంగ్ హీరోయిన్ శ్రీలీలకు మహిళా దినోత్సవ కానుకగా ప్రత్యేక బహుమతి అందజేశారు. “విశ్వంభర“ సినిమా సెట్స్‌లో ఉన్న చిరంజీవిని కలిసేందుకు శ్రీలీల రాగా, ఆయన ఆమెను ఆప్యాయంగా హత్తుకుని ఉమెన్స్ డే శుభాకాంక్షలు తెలిపారు. ఈ సందర్భంగా చిరంజీవి శ్రీలీలకు దుర్గాదేవి అమ్మవారి ప్రతిమను బహూకరించారు.
ప్రస్తుతం “విశ్వంభర” చిత్రం షూటింగ్ అన్నపూర్ణ సెవెన్ ఎకర్స్‌లో వేగంగా జరుగుతోంది. ఇదే సమయంలో శ్రీలీల నటిస్తున్న కొత్త సినిమా షూటింగ్ కూడా అన్నపూర్ణ స్టూడియోస్‌లో జరుగుతుండటంతో, ఆమె మర్యాదపూర్వకంగా చిరంజీవిని కలుసుకుంది. చిరంజీవి నుంచి ప్రత్యేక కానుక అందుకోవడం శ్రీలీలను సంతోషానికి గురి చేసింది. ఈ సందర్భంగా ఆమె చిరంజీవితో ఓ మెగా సెల్ఫీ తీసుకుని ఆనందాన్ని వ్యక్తం చేసింది. దీనికి సంబంధించిన ఫొటోలు మీరూ చూసేయండి!
